Napatay bangod sa halit sang Bagyo OPONG, nagdangat na sa 10

Nagdangat na sa napulo ang numero sang mga nagkalamatay bangud kay Bagyo Opong nga naglaslas sa central Philippines kag southern Luzon.

Suspendido kahapon ang trabaho kag klase sa nagkalain-lain nga bahin sang pungsod.

Si Opong ang naglaslas sa Pilipinas pila ka adlaw matapos ang pagwa ni Super Typhoon Nando sa norte nga bahin sang pungsod nga nagpatay sa 14 ka mga persona.

Suno sa mga disaster officials, tatlo sa mga fatalities ang nagikan sa probinsya sang Masbate.

Pito ka iban pa nga fatalities ang nagikan sa central Philippines suno sa Office of the Civil Defense.

Antes ang paglandfall ni Opong, linibo na nga mga pumuluyo ang nagpatigayon sang preemptive evacuation.