Nagpatigayon sang sendoff ceremony ang Bacolod City Police Office para sa deployment sang police personnel sa Masskara Festival 2025.
Sa first batch 1,984 ka personnel ang yara sa sendoff ceremony subong nga adlaw nga ginlakipan sang 1,320 ka PNP personnel, 64 gikan sa iban nga agencies, 250 force multipliers, 80 ka rescue group kag City Disaster Risk Reduction and Management Office members, 270 Bacolod Traffic and Transport Management Department personnel samtang ang second batch naman nga i-sendoff sa Oktubre 16 nga ginalakipan sang 300 ka personnel halin sa Police Regional Office 6 kag 211 halin sa Police Regional Office- Negros Island Region.
Sa speech ni BCPO Director Police Col Joeresty Coronica, kada tuig nagapatigayon sang sendoff ceremony ang BCPO sa paghatag sang peace and order kag masinadyahon nga Masskara Festival.
Suno diri, ang Masskara Festival indi lamang selebrasyon apang diri man nagasulod ang responsibilidad sa paghatag sang seguridad sa mga tawo.
Suno kay Coronica dapat mangin inspirasyon ang natabo sang tinalikdan nga tuig.
Ini bangud nag-umpisa kag natapos ang kapiyestahan nga wala sang nagluntad nga major incidents.
Suno pa kay Coronica, luyag niya nga ipakita nga sarang sang Bacolod City nga maghost sang dako nga selebrasyon nga safe para sa tanan.
Bangod sini, nagapangayo siya sang kooperasyon sa ipatuman nga security measures.
