Gin-ako sang isa sa mga biktima nga ginluthang sa Purok Active, Brgy Mandalagan, Bacolod City kahapon sang aga nga naghapit pa sila sang iya magulang sa Brgy Villamonte para mag-usar sang illegal nga druga.
Kahapon ginluthang ang mag-utod nga sanday Harold kag Harley Espina sang riding in tandem suspect.
Dead on the spot ang magulang nga si Harold samtang nahimo pa kun tani ni Harley nga malagyo apang ginpapanaogan ini sang gun man kag gintiro sa likod.
Sa interview sang Bombo Radyo Bacolod kay Police Major Rondyl Tapang, station commander sang Bacolod Police Station 3, subong nga adlaw gin-operahan ang manghod nga biktima.
Suno diri, sa CCTV footage nga ila nakuha, nakit-an ang mga suspek apang indi klaro ang ila nawong gani ginapdala na ang footage ginpadala sa Regional Anti-Cybercrime Unit para mapa-enhance ang quality.
Samtang, ginalantaw nga moitbo sa pagpangluthang amo ang may kaangtanan sa illegal nga druga matapos nga mag-ako si Harley nga naghapit pa sila sang iya magulang sa Brgy Villamonte antes magpauli para maggamit sang illegal nga druga.
Apang, ginalantaw man nga rason amo ang away sang mag-utod sa mga parking boys sa Libertad Public Market ukon away sa ila pamilya.
