Nagpanawagan ang mga Agrarian Reform Beneficiaries (ARBs) sa Hacienda Escolastica, Brgy. Mabini, Cadiz City, sa alkalde kag Department of Agrarian Reform nga sila ang mabuligan sa ila problema sa duta.
Madumduman nga pito ka mga ARBs ang napilasan matapos gintiro sa komosyon batok sa mga blue guards ni Ernesto Luzuriaga.
Nahibaluan nga i-award na kuntani sa mga ARBs ang duta, apang santo sa guidelines sang DAR, indi pa mahimo mabawi ang duta tubtob nga may nakatanom kag kinahanglan nga hulaton nga ini ang maharvest.
Ang tubo ni Luzuriaga ang yara pa lamang sa tatlo tubtob apat ka bulan, kag mahimo maharvest sa Pebrero 2026.
Nagluntad ang komosyon matapos nga ginpanapas sang mga ARBs ang tubo nga nakatanom sa ila kuntani nga mabatun na nga duta.
Apang nag-abot ang ginabanta pito ka blue guards kag didto na nag-init ang komosyon nga nagresulta sa pagpaniro.
Sa interview sang Bombo Radyo Bacolod kay Giovanni Aguanta, presidente sang ARBs sa Hda Escolastica, nagahingyo ang mga ini nga sila ang mabuligan ni Cadiz City Mayor Salvador “Bading” Escalante.
Kasubong man sang DAR, kag iresolbar na ang problema nila sa duta.
Suno diri, kompleto naman ang ila nga mga dokumento gani nagalaom sila nga mahatag na sa ila ang nagakadapat nga propedad.
Nahibaluan nga luwas sa standing crops, ang nagpagarot pa sa sitwasyon amo ang pagpagwa ni Luzuriaga sang lain pagid nga land title.
Bangod nangin duha ang land title, ini ang kinahanglan pa nga maresolve antes mahatag ang duta sa mga ARBs.
