Hollywood couple nga sanday Nicole Kidman kag Keith Urban, nagbulagay na

Nagbulagay na ang Hollywood actress nga si Nicole Kidman kag bana sini nga si Keith Urban nga isa ka singer-songwriter kag guitarist.

Suno sa kampo sang actress, pila ka bulan na sila sang iya nga bana nga wala nagaupdanay.

Apisar nga bulaganay na nagapabilin sa kustodiya sang actress ang duha nila ka bata nga naga-edad 14 kag 17.

Madumduman nga sang tuig 2006, ginkasal ang duha pagkatapos sang pila ka bulan nila nga relasyon.