May mga hitabo gid sa atun sosyodad nga wala ginalauman kaangay lamang sang nagbata ang isa ka babayi sa higad sang dalan sagwa sang Cebu City Fire Station matapos gin-evacuate ang mga pasyente sang Cebu City Medical Center kasunod sang magnitude 6.9 nga linog nga nagtay-og sa probinsya, sang Martes sang gab-i, Setyembre 30.
Isa siya sa mga gindala pagwa sa ospital nga manugbata nga mga iloy.
Pila sa mga ulihi nga nagwa sa building amo si Dr. Gracita Rabago, isa ka obstetrician-gynecologist, nga nag-atinder sa mga manugbata nga mga iloy.
May yara pa sang nagluntad nga aftershocks nga ginsundan pa sang pagbubo sang madamol nga ulan.
Ini ang mga kabudlayan nga ginaatubang ni Dr Rabago kag sang team sini samtang nagaatinder sa mga nagbata nga mga iloy.
Madinalag-on man nila nga nabata ang iloy sa isa ka bata nga lalaki sa higad sang dalan.
Ini naman ang ikaduha ka beses nga naeksperyensya ni Rabago ang magpabata sa idalom sang sirkumstansya.
Sang 2011, si Rabago ang nagpabata man sa ila kaingod nga may deperensya sa paminsaron nga nagbata sa Barangay Poblacion Pardo, Cebu City.
