“No Plastic Thursday,” ginlunsyar sa Burgos Public Market kahapon

Gin-launch na kahapon ang “No Plastic Thursday” sa Burgos Public Market sa Bacolod City.

Suno kay Councilor Celia Flor, chair sang Committee on Market, kada Huwebes wala sang plastic nga ihatag ang mga vendors apang ang mga manugbakal naman mahimo makadala sang ila kaugalingon nga plastic, eco bag, basket ukon iban pa.

Suno diri, gin-umpisahan ang “No Plastic Thursday” kada Huwebes kag kun maayo ang resulta, ini ang patigayonon na indi lamang kada Huwebes kundi sa iban pa gid nga adlaw kada semana.

Suno pa diri, ini ang ipatuman man sa dason sa iban nga merkado sa ciudad.

Pahayag ni Flor, ang pagpatuman nga wala sang plastic nga gamiton sa merkado, makabulig gid sa mga Bacolodnon.