Ginabanta P1.790 million ang balor sang halit nga gintuga sang sunog sa Purok Sta. Cruz, Barangay 21-C, Davao City sang Huwebes kun sa diin 179 ka pamilya ang nawad-an sang puluy-an.
Madumduman nga nagluntad ang sunog alas-4:50 sang hapon kag nagdangat ini sa fourth alarm antes nafire-out alas-7:25 sang hapon.
Wala naman sang nareport nga napilasan ukon nasamaran sa insidente.
Sa karun gina-imbestigahan pa sang Bureau of Fire Protection kun ano ang gintunaan sang kalayo.
Samtang, naghatag naman sang hot meals ang Davao City Government sa mga residente nga naapektuhan sang sunog kag temporaryo nga nagatinir sa evacuation sites sang barangay.
Yara man sa area ang mga personnel nagikan sa City Health Office, City Social Welfare and Development Office (CSWDO), City Disaster Risk Reduction and Management Office (CDRRMO) kag iban pa nga frontline agencies agud maghatag sang assistance kag essential services sa apektado nga mga indibidwal.
