-- ADVERTISEMENT --
Napabay-an nga nakasindi nga kandila ang rason sa nagluntad nga sunog sa Brgy 3, Bacolod City sang Biyernes sang hapon.
Sa interview sang Bombo Radyo Bacolod kay Fire Superitendent Jenny Mae Masip, Bacolod City Fire Marshal, tatlo ka balay ang partially damaged kun sa diin nagdangat sa P33,000 ang balor sang halit.
Suno diri, ang sunog nag-umpisa sa balay ni Marites Avanceña bangod sa napabay-an nga nakasindi nga kandila.
Nangin mabudlay pa para sa mga bombero ang pagsulod sa area bangod magamay lang ang dalan apang iya ginpasalamatan ang pagbinuligay sang mga pumuluyo agud mapalong ang kalayo.
