Pormal na nga magabiya si Senate President Pro Tempore Panfilo Lacson bilang Senate Blue Ribbon Committee Chairman nga amu ang nagapatigayon sang hearing sa corruption sa flood control projects sa pungsod.
Suno kay Lacson, ang iya desisyon ang santo sa iya nagakabatian nga mga komento nagikan sa iya mga kaupdanan sa Senado kag mga pagpangduha-duha sa iya pagpamuno sa komitiba.
Suno diri, bangud nga ang tanan nga nagamanage sang mga komitiba ang gina-eleher sang iya mga kaupdanan, magaserbi ini santo sa luyag sang iya mga kaangay nga Senador.
Suno sa iya, kun madamo na ang nagpabutyag sang pagkadismaya sa kun paano ini magpamuno sang komitiba, ini na ang tion nga siya ang magabiya kag igahatag ang position sa iban nga miyembro nga sa ila panulukuan makapatigayon sang hearing sang mas maayo.
