May kaso nga murder ang anay Punong Barangay nga ginluthang sa banwa sang Calatrava, Negros Occidental nga ginluthang sa Sitio Tunga, Brgy Patun-an, Calatrava, kahapon sang hapon.
Ginkilala ang biktima kay alyas Alexander, 63 anyos, residente sang nasambit nga lugar.
Sa interview sang Bombo Radyo kay PCapt Jesus Alba, hepe sang Calatrava Municipal Police Station, nagasakay si alyas Alexander Bajaj motorcycle kag papauli na kun tani sang hinali lang ini gintiro sang duha ka mga wala makilal-an nga persona.
Nag-angkon sang igo sa nawala nga hawak si alyas Alexander kag natumba.
Gindala pa ini sa Calatrava District hospital apang gindeklarar nga dead on arrival.
Suno kay Alba, naka-agi na preso ang anay Punong Barangay sa kaso nga murder kag sa karun padayon pa ang imbestigasyon sa motibo sa pagpatay.
