Nagpasalig si outgoing Justice Secretary Jesus Crispin Remulla nga pagapangunahan sini ang madasig nga tikang may kaangtanan sa imbestigasyon sa flood control corruption scandal bilang bag-o nga Ombudsman.
Suno diri, sa rules sang Ombudsman, may yara sang fact-finding process kag ila iga-validate ang tanan nga data nga ginpasa.
Ang mga ginpangfile na sang ICI kag ang mga ipang-file pa lamang sang DOJ, ang maangot sa mga indibidwal nga may Salary Grade 27 pataas.
Ginrekomendar na sang independent commission ang posible nga pagfile sang graft, malversation kag falsification charges batok kay former Ako Bicol Rep. Zaldy Co kag iban pa nga mga opisyales sang Department of Public Works and Highways (DPWH) bangud sa ginaalegar kaangtanan sang mga ini sa P289.5 million road dike project sa Mag-Asawang Tubig River sa Naujan, Oriental Mindoro.
Gina-imbestigaran man sang Ombudsman si Commission on Audit Commissioner Mario Lipana bangud sa ginaalegar kaangtanan sini sa anomaliya sa flood control projects.
