Lauman nga sunod nga ipatuman ang ‘No Plastic Day’ sa Libertad Public Market sa ciudad sang Bacolod.
Suno kay Bacolod City Administrator Atty. Mark Mayo, una nga gin-implementar ang ‘No Plastic Thursday’ sa Burgos Public Market apang wala pa nahibaluan kun ano nga adlaw ini ipatuman sa Libertad Public Market.
Suno diri, maesturya pa sila sa mga vendors sa ila mga concerns agud mahatagan sang solusyon.
Pahayag ni Mayo nga indi man ini gilayon nga mapatuman bangod amat-amat pa nga ipahibalo ang ini nga pagsulondan sa mga bumalakal.
Liwat sini nga gin-athag nga sa ‘No Plastic Day’ wala sang plastic nga gamiton ang mga vendors sa pagbaligya kag mismo ang mga bumalakal ang madala sang kaugalingon nila nga eco bag, basket, plastic container kag iban pa.
