Nagpasalig si Baguio City Mayor Benjamin Magalong, anay special adviser sang Independent Comission for Infrastructure, sa publiko nga wala sang mga iregularidad nga nagakatabo sa closed door hearings sang fact-finding body.
Ang iya statement ang kadungan sang padayon nga pagpamalibad sang ICI nga i-livestream ang mga hearing sini natuhoy sa flood control corruption scandal apisar nga madamo ang nagapanawagan sang transparency.
Suno kay Magalong, nga nakatambong naman mismo sa pila ka mga hearings antes ini nagresign sa pwesto, siya na mismo ang nagapamatuod nga maayo ang proceeding sang ICI apisar nga ini ang closed door.
Dugang pa sini nga tuman ini ka credible kag wala sang anomaliya.
Nagapati si Magalong nga nagapatigayon sang closed doors hearings ang ICI bangud sa mga sensitibo nga impormasyon nga posible magwa kag iya ini ginpaanggid sa executive sessions kada may yara sang congressional inquiries.
