Magapatigayon sang Grand Rosary Rally ang Diocese of Bacolod sa Oktubre 11.
Sa interview sang Bombo Radyo Bacolod kay Fr. Michael Cuenca, parish priest sang Marian Missionaries of the Holy Cross Parish, ang aktibidad ang kasugpon pa sang ginpatigayon nga mga anti-corruption protest sang Setyembre 21 kag prayer rally sang Setyembre 26.
Ini ang pangunahan sang mga kaparian, nga updan man sang pila ka kolehiyo kag mga non-government organizations.
Ang mga parishes gikan sa Northern Bacolod ang nagtipon sa Our Lady of Perpetual Help parish, ang mga parishes sa Eastern Bacolod ang nagtipon sa Sto. Niño Church, samtang ang gikan sa Southern Bacolod ang nagtipon naman sa Sacred Heart Seminary and Shrine.
Sila ang magapatigayon sang parada nga may kaupod nga pangamuyo ala-1:30 sang hapon padulong sa San Sebastian Cathedral.
Indi kaangay sa nakaandan nga rally-protesta, may-ara man sila sang dala nga placard apang mga bible verse ang nakabutang nga konektado sa sitwasyon sa karun sa pungsod.
May-ara naman sang gamay nga programa nga ginpatigayon sa San Sebastian Cathedral nga pangunahan ni most rev Patricio Buzon, ang obispo sa Diocese of Bacolod.
Suno kay Fr. Cuenca, ang grand rosary rally ang gindungan nila sa selebrasyon sang kapiestahan sang Iloy nga Santo Rosario.
Nagapati ang mga ini nga kinahanglan nga ipadayun ang panawagan batok sa kurapsyon bangod ini ang matampukan sang iban nga issue kun indi pagpasundan.
