Nag-apelar si Negros Occidental Governor Eugenio Jose ‘Bong’ Lacson sa national government nga hatagan sang pagtamod ang tuman ka nubo nga presyo sang baklanay sang humay sa mga rice farmers.
Madamo sa mga mangunguma ang nagareklamo nga bisan ginpatuman ang rice importation ban, wala sang pagbag-o sa presyo nga wala man nagsaka ang baklanay sang humay.
Suno sa gobernador, naga-antos na gid ang mga rice farmers sa manubo nila nga ginansya kag ini wala lamang nagakatabo sa probinsya apang problema ini sa bilog nga Pilipinas.
Naga-apelar sa karun si Lacson sa national government nga maggiyo agud mahatagan sang bulig ang mga apektado nga rice farmers.
Samtang, indi naman maapektohan ang pagbaligya sang P20 per kilo sang bugas sa kada Local Government Unit sa probinsya bangod may mga grupo sang rice farmers nga nagcommit na diri kag sila ginahatagan man sang suporta sang provincial government.
