Mga Palestinians, amat-amat na nga nagbalik sa naabandonar nga puluy-an sa pag-epekto sang ceasefire deal sa tunga sang Israel kag Hamas

Amat-amat nga nagbalik sa ila gin-abandonar nga mga puluy-an ang mga Palestinians matapos nagtake effect ang isa ka ceasefire sa tunga sang Israel kag Hamas kadungan sang pagpull out naman sang tropa sang Israel nagikan sa Gaza.

Natalana ang mga hostages nga i-release sa sulod sang 72 ka oras nga period.

Suno sa Israeli military, gin-activate ang ceasefire agreement matapos ginratify sang gobyerno sang Israel ang ceasefire kaupod ang Hamas sang Biyernes.

Ginalauman nga hilwayon sang Hamas ang 20 ka buhi nga mga Israeli hostages sa sulod sang 72 ka oras kag igarelease naman sang Israel ang 250 ka mga Palestinian prisoners kag 1,700 ka iban pa nga nadetain bangud sa gyera sa Gaza.