Nagpasalig si President Ferdinand Marcos Jr. sa mga residente nga naapektuhan sang linog nga sila ang makabaton sang assistance sa iya pagbisita sa Davao Oriental pila ka adlaw matapos nga gintay-og ang probinsya sang duha ka linog.
Si Marcos, kaupod ang pila ka mga miyembro sang iya Gabinete, ang nagtsekyar sang sitwasyon sang probinsya matapos ang asod-asod nga pagtay-og nga nag-apekto sa masobra 166,000 ka pamilya kag nagguba sang kapin 500 ka mga pamalay nga gintunaan sang pagkadula sang tatlo ka mga kabuhi.
Suno sa Malacañang, nakarelease na ang Office of the President sang P158.3 million nga cash aid sa nagkalain-lain nga mga probinsya nga gintay-og sang linog sang tinalikdan nga semana.
Ang OP ang magahatag sang P150,000 sa kada pamilya nga nawad-an sang puluy-an.
