Nadakpan na ang badjao nga lalaki nga pila ka beses na nga ginreklamo nagapangharass kun indi paghatagan sang kwarta apang ginrelease sang kapulisan bangod wala sang may nagpasaka sang kaso.
Suno kay Bacolod City Police Office Director Police Col.Joeresty Coronica, alas-8:00 kagab-i nadakpan sa Mabini Street ang badjao matapos nga ginreport nga ginsipa sini ang isa ka pasahero nga ginhatagan niya sang sobre apang wala siya ginhatagan sang kwarta.
Suno diri, kun wala sang may nagpasaka sang kaso matapos ang 12 hours reglementary period, irelease ang nadakpan.
Pahayag ni Coronica, dapat kun tani mapreso gid ini agud indi na liwat-liwat nga makapangharass sa iban.
Ang badjao amo man ang nareport sang tinalikdan nga may ginduplaan nga pasahero nga wala man naghatag sa iya sang kwarta.
Samtang, siya man ang badjao nga nagpanaya sang gunting sa duha ka estudyante nga iya ginpahog.
