Willing si President Ferdinand Marcos Jr. nga i-publicize ang iya Statements of Assets, Liabilities, and Net Worth (SALN) kag ginpahayag nga iya hingyuon ang mga miyembro sang iya Gabinete nga himuon man ini.
Sang Martes, liwat nga ginbuksan sang Office of the Ombudsman ang access sang publiko sa mga SALNs agud magcombat sang corruption kag pagpang-abuso sang gahom.
Sang ginpamangkot ang Presidente natuhoy sa tikang nga ginhimo ni Ombudsman Jesus Crispin Remulla nga liwaton ang isa ka circular nga gin-implementar sang iya predecessor, nagsabat si Marcos Jr. sang tinaga nga “finally.”
Suno diri, pagasundon sa karun ang daan nga rules.
Suno sa iya, ang daan nga mga rules ang ginsuspend sang tinalikdan nga administrasyon nga kuntani mas mahapos makakuha sang kopya sang SALN kag ini ang i-examine.
Suno kay Marcos, siya ang nakibot nga ginsuspend sang previous administration ang nauna nga rules kag tuman na kabudlay nga makakuha sang SALN sag isa ka empleyado ukon opisyal.
Nagpromisa man ini nga mangin available ang iya SALN sa maskin sin-o man nga magakinahanglan sini.
Kampante si President Ferdinand Marcos Jr. nga makaangkon sang kapuslanan ang nagakatabo nga imbestigasyon batok sa korapsyon sa gobyerno.
Suno kay Marcos, tanan nga imbolbado ang gina-imbestigahan kag tanan nga ebidensya ang mapagwa.
Ginatugyan naman sini ang tanan nga imbestigasyon sa Independent Commission for Infrastructure (ICI) sa mga nagakatabo nga korapsyon sa gobyerno.
Ginapasigurado sini nga indi siya manghilabot sa anuman ang mangin resulta sang imbestigasyon sang ICI.
