Alas-2:00 kaina sang kaagahon, ang ginamonitor nga Low Pressure Area nga nagsulod sa Philippine Area of Responsibility kahapon ang nadevelop na bilang isa ka Bagyo.
Ang sentro sang Tropical Depression RAMIL ang ulihi nga nasiplatan sa 1,145 km sa nasidlangan sang Southeastern Luzon.
Dala sini ang kabaskugon sang hangin nga nagadangat sa 45 km/h kag pagmadlos nga tubtob 55 km/h.
Ang Bagyo ang mahinay nga nagahulag padulong sa West Northwestward nga dereksyon.
Sa karun ginpaidalom na sa Tropical Cyclone Wind Signal no. 1 ang pila ka mga lugar:
LUZON
-Easternmost portion sang Quezon
-Camarines Norte
-Catanduanes
-Camarines Sur
-Albay, kag
-Northern kag eastern portions sang Sorsogon
VISAYAS
-Eastern portion sang Northern Samar
Ang pinakamataas nga wind signal nga mahimo madagdag ang ginalantaw nga yara sa Signal No. 3, samtang may posibilidad man nga magsanyog sa severe tropical storm category ang Bagyo antes maglandfall.
Luwas sa mga ginpaidalom sa Wind Signal No 1, magatuga man sang mabaskog nga huyop sang hangin kag maulanon nga panahon ang ginhugpong nga Bagyo RAMIL kag Easterlies ukon hangin nga gikan sa Dagat Pacifico sa pila ka mga lugar.
Kalakip sa mangin maulanon ang tiyempo ang Cagayan Valley, Ilocos Norte, Ilocos Sur, Aurora, Quezon including Polillo Islands, Sorsogon, Marinduque, Mindoro Provinces, Masbate, kag Northern Samar.
Sa track kag intensity outlook, ginalauman nga magapadayun sa banas ang Bagyo RAMIL tubtob bwas antes magliko sa west northwestward nga dereksyon padulong sa bahin sang Central-Southern Luzon.
Ang sentro sang Bagyo RAMIL ang mahimo maglabay malapit sa Catanduanes bwas sa aga ukon sa hapon kag magalandfall sa Aurora ukon Quezon sa Domingo sang aga ukon sa hapon.
Apang kun magliko sa nabagatnan nga dereksyon ang Bagyo mahimo man nga maglain ang landfall area kag mga lugar nga mapaidalom sa Wind Signals.
Matapos ang paglandfall, ginalantaw nga tabukon ni Bagyo RAMIL ang Northern ukon Central Luzon kag malusot West Philippine Sea sa Domingo sang hapon ukon sa gab-i, kag mahimo maggwa sa Philippine Area of Responsibility sa Lunes sang aga.
