Ginpahayag sang Office of Civil Defense – Caraga nga pila ka mga establishmento ang partially damaged bangud sa pagtay-og sang magnitude 6.0 nga linog sa General Luna, Surigao del Norte sang Biyernes sang aga.
Suno kay OCD Caraga information officer Carlo Becera, isa ka balay ang nagguba sa San Benito, Siargao Island.
Naguba man ang Municipal Social Welfare and Development Office sa San Benito, Siargao Island, tag-isa ka classroom sa Maribojoc Elementary School sa San Benito kag Nueva Estrella Central Elementary School sa Socorro sa nasambit gihapon nga isla.
Ginsuspendi ang klase sa 36 ka mga local government units sa Surigao del Norte, Surigao del Sur, Agusan del Norte kag Agusan del Sur.
Wala naman sang nareport nga halit sa mga taytay kag dalanon suno sa OCD-Caraga.
Madumduman nga narekord ang isa ka magnitude 6.0 nga linog 13 kilometeros nagikan sa General Luna alas 7:03 sang Biyernes snag aga.
