Ginpanginwala sang Department of Justice nga ginakonsiderar si former House of Representatives speaker Martin Romualdez nga mangin isa ka state witness sa flood control controversy.
Sang ginpamangkot kun pwede nga mangin isa ka state witness si Romualdez matapos ang pagtambong sini sa Independent Commission for Infrastructure, ginpahayag sang Malacañang nga magadepende na sa DOJ ang pagdesisyon sa nasambit nga butang.
Suno sa DOJ, antes mangin isa ka state witness ang isa ka indibidwal, kinahanglan nga ipasa ang isa ka application form sa Witness Protection, Security and Benefits Program (WPSB) sang ahensya.
Ang application ang iga-evaluate gilayon.
Suno sa ahensya, sa karun wala pa nakafile si Romualdez sang isa ka application para sa state witness.
Dugang pa sang DOJ nga ang imbestigasyon sini, lakip na ang natuhoy sa flood control projects ang mangin madasig kag patas.
