Iga-livestream na ang mga hearing sa Independent Commission for Infrastructure (ICI) sumugod sa masunod nga semana.
Ini ang gin-anunsyar ni Independent Commission for Infrastructure Chairman Andres Reyes sa hearing sa Senado natuhoy sa pagtukod sang Independent People’s Commission (IPC) agud mangin permanente na ang komisyon nga nag-imbestigar sa maanomaliya nga proyekto sang nagkalain-lain nga ahensya sang gobyerno.
Suno kay Reyes, sa tion nga makaangkon sila sang nagakaigo nga technical capabilities, pagasuguran na nga ipakigbahin sa publiko sa masunod nga semana ang imbestigasyon may kaangtanan sa binilyon nga korapsyon sa flood control projects.
Suno sa iya, apisar nga wala pa sila sang pasilidad ukon guidelines sa proseso, mahibaluan na sang publiko ang hearing sang commission.
