Maga-umpisa na subong nga adlaw ang University Games 2025 sa paghost sang Negros Occidental Provincial Government.
40 tanan ka mga buluthuan ang magapartisipar sa hinampang nga magalawig tubtub sa Oktubre 30.
Sa mensahe ni Negros Occidental Governor Eugenio Jose ‘Bong’ Lacson sa opening kahapon, ang paghost sang 26th seaon sang UniGames makabukas sang oportunidad sa mga pamatan-on nga atleta nga magpakita sang ila dedikasyon, talento kag karakter.
Suno diri, iya ginapahanumdom nga ang sports indi lamang pagdaog apang ini makatukod sang unity, disiplina, teamwork, kag integrity.
Suno sa gobernador sa sports, nagakadula ang boundary sa linggwahe, relihiyon kag pagpati sang kada isa.
Pahayag ni Lacson, suportado sang provincial government ang UniGames nga partisiparan sang 19 ka buluthuan sa Visayas, 15 sa Luzon kag 6 sa Mindanao.
