Gindagdagan sang 6 months suspension without pay ang anay Officer in Charge sang Mambukal Resort and Wildlife Sanctuary kag apat ka iban pa.
Madumduman nga gindagdagan sang show cause order si Provincial Tourism Officer Cheryl Decena nga anay Officer in Charge sang Mambukal Resort and Wildlife Sanctuary kag sanday Mark Dela Cruz, storekeeper kag disbursing officer; Ester Jane Ignacio, disbursing officer; Alfredo Tolosa III, disbursing officer; kag April Love Wee, Recreation and Welfare Services Officer II, Over All Sanctuary Operations-in-Charge kag Disbursing Officer.
Suno kay Negros Occidental Legal Office Head Atty. Alberto Nillas Jr., tinalikdan nga tuig pa sila ginpapanaogan sang show cause order sa mga wala na-account nga income sa resort.
Suno diri, matapos pa ang isa ka tuig sang naproseso nila ang account sang income.
Bangod sini gindagdagan sila sang 6 months suspension without pay bangod sa neglect of duty.
Pahayag sini, naglabay sa insakto nga proseso ang pagsuspend sa ila kag gin-aprubahan man ni Negros Occidenal Governor Eugenio Jose ‘Bong’ Lacson ang desisyon.
Epektibo sang Oktubre 21 ang suspension ni Decena kag sang apat ka iban pa.
