Former Congressman Zaldy Co, nagapanguna sa napasakaan sang kaso sa Sandigan Bayan suno kay Ombudsman Boying Remulla

Ginpahayag ni Ombudsman Jesus Crispin Remulla nga nagpanguna si former Ako Bicol Representative Zaldy Co kag pila ka mga kongresista sa una nga batch sang flood control cases nga igafile sa Sandiganbayan sa bulan sang Nobyembre.

Suno kay Remulla, dako ang pagpati sini nga nalakip ang pangalan ni Co sa una nga batch sang kaso.

Madamo nga mga pangalan sang kongresista ang yara sa listahan nga pagapasakaan sang kaso.

Si Co ang gintudlo sang mga anay district kag assistant engineers nga magtestify sa budget insertions nga P35 billion humalin 2022 tubtob 2025 kasubong man ang anomaliya sa flood control projects sa Bulacan.