Mainom nga tubig, una nga ginsolusyonan sa Brgy Mailum, Bago City antes nagpatigayon sang flushing sang abo

Tubig ang nagapanguna nga kinahanglan sa karun sang mga apektado nga pumuluyo sang ashfall sa Brgy Mailum, Bago City.

Sa interview sang Bombo Radyo Bacolod kay Punong Barangay Melchor Sayco, ginkadtuan sini kagab-i ang mga apektado nga Purok upod man sa City Disaster Risk Reduction and Management Office.

Ginbuksan man nila ang Barangay tubtob ala-1:00 sang kaagahon, apang wala man bisan isa nga nag-evacuate.

Sa karun nagahulat sila sang tikang sang Bago City Government kun ano ang mga assistance apang sila ang nagsugod na sa pagpanagtag sang facemask kagab-i bilang proteksyon sa baho sang asupre.

Suno kay Sayco, may-ara sila sang water source nga spring kag ini ang apektado sang ashfall.