Wala ginadula sang Philippine Institute of Volcanology and Seismology (Phivolcs) ang posibilidad nga makaangkon sang mas makusog pa nga eruption sa Bulkan Kanlaon kag Bulkan Taal.
Ini kasunod sang nauna nga pagbuga sang abo kag volcanic materials sang duha ka nasambit nga mga bulkan.
Suno kay Phivolcs volcanologist Dr. Paul Alanis, nagapabilin nga mataas ang abnormality sang duha ka bulkan kag nagapakita nga padayon ang movements apisar sa mga tion nga ini ang malinong.
Suno kay Dr. Alanis, apisar nga yara lamang sa idalum sang Alert No. 1 ang Bulkan Taal, una na ini nga nagpakita sang sunod-sunod nga aktibidad kun ipaanggid sa rekord nga ginauyatan sang Phivolcs.
Para sa Kanlaon nga yara sa idalum sang Alert Level 2, mas mataas ang posibilidad nga ini ang maglupok bangud sa mas madamo nga aktibidad sini.
