International Committee of the Red Cross, gintugutan sa pagpangita sang mga bangkay sang hostages sang Hamas sa Gaza

Ginkumpirmar sang Israeli authorities nga ginpasugtan na sang Egypt ang International Committee of the Red Cross (ICRC) agud pangitaon ang mga bangkay sang nagkalamatay nga mga hostages sang October 7 attacks.

Suno sa gobyerno sang Israel, ginpahanugutan ang mga grupo nga magpatigayon sang search operations lapaw sa ginatawag nga yellow line sa lugar nga kontrol sang Israeli Defense Forces sa Gaza.

Ang yellow line ang marka sang border sa norte, sur kag nasidlangan sang Gaza kun sa diin ginpahalin ang mga tropa sang Israel bilang kabahin sang una nga phase sang kasugtanan para sa ceasefire.

Magagamit naman ang mga search team sang excavator machines kag trucks para sa pagpangita sang mga bangkay nga lapaw sa yellow line.