Importasyon sang buhi nga sapat kag animal products sa pito ka pungsod sa Middle East kag Europe, suspendido bangod sa outbreaks sang foot-and-mouth disease

Gin-anunsyo sang Department of Agriculture (DA) ang temporaryo nga pag-suspend sa importation sang buhi nga sapat kag pila ka animal products nagikan sa pito ka mga pungsod sa Middle East kag Europe.

Ini kasunod sang outbreaks sang foot-and-mouth disease (FMD).

Sa idalom sang Department Circular No. 39, dumilian sang Pilipinas ang pagpasulod sang live swine, cattle, water buffaloes kag iban pa nga FMD-susceptible animals halin sa Azerbaijan, Bahrain, Cyprus, Iraq, Israel, Kuwait kag Palestine.

Gin-athag man sang ahensya nga ang mga produkto nga gin-classify sang World Organisation for Animal Health bilang “safe commodities” ang pahanugotan sa gihapon nga makasulod sa pungsod apang dapat nagasunod sa import requirements kag veterinary standards.