-- ADVERTISEMENT --
Ginapakamaayo ni Negros Occidental Governor Eugenio Jose “Bong” Lacson nga nakapatigayon sang preemptive evacuations ang mga local goverment units sa Negros Occidental.
Sa interview sang Bombo Radyo Bacolod sa gobernador, dako nga butang ang preemptive evacuation gani indi tuman ka damo ang nahalitan sa paglaslas sang Bagyo TINO.
Aminado ang gobernador nga madamo sang mga puno sang kahoy nga nagkalatumba kag nagakinahanglan sang clearing operations.
Ginhulat naman nga mangin kalmado ang panahon antes nagpatigayon sang operasyon.
