30,707 ka mga pamilya ukon 104, 608 ka mga indibidwal naapektohan sang bagyo Tino sa probinsya sang Negros Occidental

Nagdangat na sa masobra 100,000 ka mga indibidwal ang narekord nga naapektohan sang bagyo Tino sa probinsya sang Negros Occidental.

Santo sa datos sang Provincial Disaster Risk Reduction and Management Office, 28 ka Local Government Units ang apektado kun sa diin 333 tanan ka mga brgy ang nahalitan.

Nagdangat naman sa 30,707 ka mga pamilya ukon 104, 608 ka mga indibidwal ang naapektohan.

Nagatinir sa karun sa sulod sang evacuation centers ang 10,833 ka mga pamilya ukon 36,863 ka mga indibidwal samtang ang mga naapektohan naman nga wala gindala sa evacuation centers ang yara sa 7,481 ka mga pamilya ukon 28,273 ka mga indibidwal.