Alas-2:00 kaina sang kaagahon, nagsanyog na sa Severe Tropical Storm category ang ginamonitor nga Bagyo sa gwa sang Philippine Area of Responsibility.
Ang Severe Tropical Storm FUNG-WONG ang ulihi nga nasiplatan sa 1,500 km sa nasidlangan sang Northeastern Mindanao ukon 1,470 km sa nasidlangan sang Eastern Visayas.
Dala sini ang kabaskugon sang hangin nga nagadangat sa 95 km/h kag pagmadlos nga tubtob 115 km/h.
Ang Bagyo ang nagahulag padulong sa naaminhan-nakatungdan nga dereksyon sa kadasigon nga 10 km/h.
Sa karun, wala pa sang epekto ang Bagyo sa diin man nga bahin sang pungsod.
Lauman ang maulanon nga panahon sa Batanes kag Cagayan bangod sa Northeast Monsoon ukon Hangin Amihan.
Samtang mangin makanay naman ang panahon sa nabilin nga bahin sang pungsod magluwas sa mga tumalagsahon kag makadali nga mga pag-ulan tuga sang Localized Thunderstorms.
Ginalantaw nga ang Bagyo FUNG-WONG ang magasulod sa PAR karun sa tungang gab-i ukon bwas sa kaagahon kag ini ang hingadlan nga Bagyo UWAN.
Nagasaka naman ang tyansa nga magalandfall ang Bagyo sa Northern ukon Central Luzon sa Lunes.
Ginalauman ang madasig pa nga pagbaskog sang Bagyo, kag ini ang mahimo magdangat sa Typhoon category sa masunod nga 24 oras, kag Super Typhoon category bwas sa gab-i ukon sa Domingo sang aga.
Ginalantaw man nga ini ang magalandfall samtang yara sa peak intensity ukon bilang Super Typhoon.
Lauman nga mapaidalom sa Wind Signals ang nasidlangan nga bahin sang Luzon kag pila ka bahin sang Samar Provinces karun sa hapon ukon bwas sa aga.
Ang pinakamataas nga Wind Signals nga mahimo idagdag ang ginalantaw nga magadangat sa Signal No. 5.
Samtang amat-amat naman nga magahuyang ang Bagyo sumugod sa Domingo.
Apang lauman ang malala nga pag-igo sang bagyo sa Northern Luzon kag bahin sang Central Luzon sa Lunes kag Martes.
