Yara na sa 80 percent ang naenergized sang Negros Electric and Power Corporation (NEPC) sa ila bilog nga franchise area.
Sa interview sang Bombo Radyo Bacolod kay Engr Leomel Tambanillo, assistant vice president for planning and business operation sang Negros Power, as of 8:00 sang aga 80 percent na ang energized apang dako pa ini nga numero sang mga kunsomedor ang apektado.
Suno diri, madamo gid sang mga poste ang nagkalatumba kag mga wire nga nagkala-utod.
Suno kay Tambanillo, nakay-o na ang mga feeders apang ang may ginakay-o pa sa mga lateral lines nga amo ang linya sang kuryente nga nagasupply sa mga brgy.
Samtang, ginpa-athag man sini nga may agreement sila sa mga telecommunications company nga magshare sang poste agud mabuhin-buhinan ang mga poste apang nagapangabay ini nga kuntani ind man nila pagpabay-an ang ila linya bangod kun kaisa may nagareklamo sa NEPC apang indi nila makay-o ang problema bangod ang guba iya sang telcos.
Sa karun, pahayag ni Tambanillo 20 percent na lang ang kulang kag fully energized na ang tanan amo nga nagapangayo ini sang pagpasensya kag pag-intindi ilabi na nga ginasunod lamang nila ang safety procedure sa pagrestore sang kuryente agud indi mabutang sa risgo ang kabuhi sang linemen.
