Presyo sang gasolina, nagsaka sang 50 sentimos kada litro; Diesel, nagsaka sang piso

Gin-anunsyo sang pila ka mga fuel retailers ang liwat nga pagsaka sang presyo sang gatong sumugod subong nga adlaw.

Ini ang ika-anom na nga sunod-sunod nga semana sang pagtaas sang presyo sang gasolina samtang ika-tatlo naman sa diesel.

Sa nagkalain-lain nga mga abiso, ang Seaoil Philippines Corp., nagpasaka sang presyo sang gasolina sang P0.50 kada litro kag P1.00 naman kada litro naman sa diesel.

Samtang wala naman sang pagbag-o sang presyo sang kerosene.

Magapatuman man sang amo nga pagbag-o ang Cleanfuel kag Petro Gazz.

Nag-umpisa ang pagbag-o sa presyo alas-6:00 subong nga aga para sa tanan nga oil firms, luwas sa Cleanfuel nga magapatuman alas-4:01 karun sa hapon.