Isa sa kabudlayan sa pagpatigayon sang clearing operations sang mga kahoy nga natumba sa ciudad sang Bacolod amo ang mga live wire nga nagatandog sa kahoy.
Sa interview sang Bombo Radyo Bacolod kay Engr Loben Ceballos, oficer in charge sang Bacolod City Engineer’s Office. madamo na sila sang mga naclear nga mga dalanon, kag iban pa nga mga nagkalapalid bangod sa Bagyo TINO kaangay sang mga bahin sang balay.
Sa karun, ginasulod na nila ang mga suludlon nga bahin sang Bacolod City, apang aminado si Ceballos nga may mga kahoy nga indi nila matandog bangod may nagasablay nga live wire.
Sila ang nagacoordinar naman sa Negros Electric and Power Corporation, agud mabuligan sila sang pagpatay sang linya agud mapalos na ang mga nagabalabag nga kahoy sa dalan.
May-ara naman sang kain 16 tubtob 18 nga mga chainsaw nga ginagamit ang Bacolod City Engineers Office.
