Mabaskog gihapon ang Bagyo UWAN nga yara pa sa Severe Tropical Storm category samtang yara sa gwa sang Philippine Area of Responsibility.
Ang Bagyo ang ulihi nga nasiplatan sa 280 km sa nakatungdan sang Itbayat, Batanes.
Dala sini ang kabaskugon sang hangin nga nagadangat sa 95 km/h kag pagmadlos nga tubtob 115 km/h.
Ang Bagyo ang nagahulag padulong sa north northeastward nga dereksyon sa kadasigon nga 10 km/h.
Apisar nga yara sa gwa sang PAR ang mata sang Bagyo, ang diametro sini ang nagalab-ot gihapon sa naaminhan-nakatungdan nga bahin sang Northern Luzon.
Gani nagapabilin nga yara sa Tropical Cyclone Wind Signal no. 1 ang Batanes, Babuyan Islands, kag Northwestern portion sang Ilocos Norte.
Ang Trough sang Bagyo ang magapaulan man sa nabilin nga bahin sang Ilocos Region kag Cordillera Administrative Region.
Gialauman nga liwat nga magasulod sa PAR ang Bagyo UWAN subong nga aga ukon karun sa hapon.
Ini ang magalandfall sa Southwestern Section sang Taiwan kag magalapos sa Ryukyu Island.
Lauman man nga sa paglabay sa landmass sang Taiwan, ini ang magahuyang tubtob nga mangin Low Pressure Area na lamang antes maggwa sa PAR.
