12 patay, 27 pilason sa suicide attack sa isa ka korte sa Pakistan

Patay ang 12 ka mga persona samtang pilason naman ang 27 ka iban pa sa suicide attack nga nagluntad sagwa sang isa ka korte sa Islamabad, Pakistan.

Suno kay Pakistan interior minister Mohsin Naqvi, gintuyo sang bomber nga atakehon ang district courthouse apang wala ini nakasulod.

Indi pa maathag kun ano nga grupo ang yara sa likod sang nasambit nga pag-atake.

May ginahimo na sila nga madalom nga imbestigasyon agud matumod ang identity sang suspetsado.

Gindala na sa ospital ang mga pilason nga biktima sa insidente.

Hugot nga ginkondenar ni Pakistani President Asif Ali Zardari ang nasambit nga insidente.