President Bongbong Marcos, ginpangunahan ang paglunsyar sang Oplan Kontra Baha

Ginpangunahan ni President Ferdinand Marcos Jr. ang paglunsyar sang Oplan Kontra Baha nga inisyal nga ipatuman sa mga lugar sa Metro Manila partikular na sa Paranaque City.

Suno sa Presidente, ang tikang nga pagbinuligay sang gobyerno kag pribado nga sektor nga yara pa lamang sa una nga phase ang magadugay sang siyam ka bulan.

Suno kay President Marcos, dako nga rason sang pagbaha ang siltation ukon ang tuman ka mababaw nga mga spillway.

Dako nga kontribusyon man diri ang mga basura nga nagsupot na.

Gani isa sa mga una nga mga pagahimuon suno sa Presidente amu ang pagtinlo sang mga spillway ukon drainage agud mangin mas madalom ang malabyan sang tubig.