Nagdangat sa masobra P150 million ang ginbilin nga halit sang bagyo Tino sa agrikultura suno sa Department of Agriculture (DA).
Suno kay DA Deputy Spokesperson Joycel Panlilio, nagdangat sa P159.14 million ang balor sang halit sa agrikultura sang bagyo Tino samtang santo naman sa inisyal nga report, P142.29 million naman ang balor sa agricultural damage bangod sa bagyo Uwan.
Suno diri, ang pinaka-apektado nga probinsya bangod sa bagyo Tino amo ang Iloilo kag Negros Occidental samtang sa bagyo Uwan naman tuman nga naapektohan ang Camarines Sur.
Nagrelease na ang Department of Budget and Management sang P1 billion nga quick response fund para sa crop kag livestock input, cash aid ukon equipment, kag repair sa naguba nga mga agricultural facilities.
Gin-abisohan ni Panlilio ang mga apektado nga mangunguma kag mananagat nga magpadulong sa ila local agricultural offices para magkuha sang assistance halin sa ahensya.
Dugang pa sini, ang mga affected farmers maka-avail sa survival and recovery loan program kag maka-file sang claims sa Philippine Crop Insurance Corporation.
