Wala ginpalampuwas sang Lifeline International Health Institute sa Silay City ang tyansa nga makabahin sa Dugong Bombo 2025: Bloodletting activity nga ginpatigayon sa City Mall Mandalagan.
Sa interview sang Bombo Radyo Bacolod kay Melanie Billones, 57 anyos, bag-o lamang nga branch manager sang eskwelahan, siya ang walo ka beses na nga magdonar sang dugo, kag ini ang una nga bes sa Dugong Bombo, bangod bag-o pa lamang ini sa institusyon.
Apang suno diri, nagbulig naman ang eskwelahan sa Dugong Bombo nakaligad nga tuig.
Sila ang kalakip sa organisasyon nga naghanda sang hot meals para sa mga blood donors.
Apang luwas sa pagpreparar sang makaon, madamo sa ila ang nagpakuha man sang dugo.
Suno kay Billones, nagadangat sa 40 ang nagpartisipar sa eskwelahan nga gintingob na nga estudyante kag staff.
Para sa branch manager sang eskwelahan, ini ang tyansa nga makashare sang dugo.
Suno sa iya, lain gid ang feeling nga mabatyagan kun makabulig sa nagakinahanglan sang dugo, kakilala man ang ginhatagan ukon indi.
