Ginapanawagan ni Senator Sherwin Gatchalian sa Department of Public Works and Highways (DPWH) nga magtrabaho kag magkoordinar sa mga local goverment units (LGUs) sa pagplano kag pagpatuman sang mga infrastructure projects.
Ginpahanumdom ni Gatchalian ang importansya sang mas hugot kag detalyado nga pag-review sang tanan nga project proposals para sa 2027 national budget kaupod ang mga LGUs.
Suno diri, ang polisas ang isa ka tikang agud nga mapunggan ang kurapsyon kag maseguro nga ang mga proyekto ang makabulig sa komunidad.
Ginpahayag sini nga madamo nga proyekto ang nagatuhaw lang nga wala man lang nakahibalo ang local officials.
Ginhalimbawa sini ang multi-billion-pesos nga flood control project sa Oriental Mindoro kun sa diin gina-alegar nga wala sang ihibalo ang mga lokal nga opisyales sa pagpatuman sang proyekto.
