-- ADVERTISEMENT --
Gintawag nga desperado nga tikang ni Palace Press Officer Undersecretary Claire Castro ang akusasyon ni Senator Imee Marcos batok sa Presidente.
Suno kay Castro, desperado nga tikang ang ginhimo sang Senador sang iya gin-akusahan ang utod sini nga si President Ferdinand Marcos Jr. nga nagagamit sang illegal nga druga.
Ginhangkat sini si Senator Imee nga magbulig na lamang sa Presidente sa pagtinlo sang gobyerno batok sa korapsyon.
Sa livestream ni Castro kahapon, ginpahayag sini nga wala sang basehan ang mga akusasyon bangud ginkumpirmar sang St. Luke’s nga negatibo sa drug test ang Presidente.
Dugang pa sini nga nakahibalo na ang tanan kun ano ang motibo sang Senador.
-- ADVERTISEMENT --
