Ginkumpirmar sang commander sang Coast Guard Station – Southern Negros Occidental nga wala nag-untat ang ila pagpangita sang mga missing persons apisar nga nagpagwa na sang notice ang Office of Civil Defense nga ginterminate na ang search and retrieval operations sa mga nagkaladula bangod sa Bagyong Tino.
Sa interview sang Bombo Radyo Bacolod kay Lt. Junior Grade James Carbajosa, ang ila search and retrieval team ang padayon nga nagabulig sa mga Local Government Unit (LGU).
Suno kay Carbajosa, Isabela kag La Castellana area ang ila nga ginatutukan bangud may-ara pa sang 33 ka reported nga missing, kasubong man sa Moises Padilla.
Suno diri, composite sa gihapon ang ila nga operasyon bangud nagaupod sila sa mga Local Disaster Risk Reduction Management Offices nga nagpangayo sang bulig.
Suno diri, ginahimo sang Philippine Coast Guard ang tanan nila nga masarangan kag sila ang nagapangamuyo kag nagalaom man nga makita na ang mga nabilin nga missing tuga sang Bagyo Tino.
