Patay ang 72 anyos nga lola matapos nga mabungguan sang ambulansya sa Hacienda Nahalinan, Barangay Robles, La Castellana, Negros Occidental.
Sa interview sang Bombo Radyo Bacolod kay Bombo Radyo Bacolod kay Police Captain Jose Michael Munez, Deputy Chief Police sang La Castellana Municipal Police Station, ang biktima nga si alyas Maria ang halin sa Buena Park subdivision sang nagasakay sa traysikol padulong sa town proper.
Samtang nagabiyahe nakita sini ang iya bata nga nagamaneho man sang traysikol kag ginpaypay sini agud nga mag-untat.
Suno kay Muñez ang tigulang ang hinali lamang nga nagtabok kun sa diin nabungguan man siya sang ambulansya sang La Castellana nga nagabiyahe sa opposite nga direction.
Gindala sa ospital ang biktima apang gindeklarar nga nag-expire.
May yara naman sang initial nga pag-estoryahanay ang pamilya sang biktima kag ang Local Government Unit.
Sa karun temporaryo nga ginhunong sa La Castellana Municipal Police Station ang driver sang ambulansya.
