Nalakip na sa paga-imbestigahan sang Office of the Ombudsman may kaantanan sa issue sa korapsyon sa flood control si President Ferdinand Marcos Jr.
Suno kay Ombudsman Jesus Crispin ‘Boying’ Remulla, ang tanan nga indibidwal nga ginpanglawag ni former Ako Bicol Party-list Representative Zaldy Co sa pila ka mga “online video contents” ang ila paga-imbestigahan.
Magluwas kay Marcos, nalakip man sa mga ginbuyagyag ni Co nga ginaalegar imbolbado sa korapsyon amu sanday former House Speaker Martin Romualdez, resigned Budget Secretary Amenah Pangandaman, kag former Presidential Legislative Liaison Office Undersecretary Adrian Bersamin.
Bangud diri, ginpahayag ni Remulla nga ang nasambit nga mga indibdiwal lakip na ang Presidente ang ila paga-imbestigahan.
Nagapati naman ini nga makabig nga “illogical” nga nakabenepisyo ang Presidente sa ginaalegar binilyon nga balor sang “budget insertions.”
