Bulawan nga basin nabakal sa presyo nga masobra P700 million

Nabakal na sa presyo nga $12 milyon ukon masobra P700 milyon ang isa ka 18-karat gold nga basin nga ginhimo sang Italian satirical artist.

Ang bulawan nga basin ginhimo ni Maurizio Cattelan kag ini nagabug-at sang 100 kilo kag fully functional ukon pwede gid magamit.

Mahibaluan nga ang una nga bersyon sang bulawan nga basin ginbutang sa isa ka pampubliko nga banyo sa Guggenheim museum sa New York sang 2016 apang ginkawat ini sang 2019 sa Oxfordshire palace.

Kasunod sini may ginpagwa nga ikaduha nga gold toilet nga nakabaton lang sang isa ka bid kag nahimo nga nabakal sa auction.