Napasa na sang Bacolod Police Station 4 ang mga dokumento sa City Prosecutors Office sa pagpasaka sang kaso batok sa suspek nga nagluthang patay sa negosyante nga lalaki sa Purok Masinulondon, Barangay 23, Bacolod City, sang Nobyembre 8, 2025.
Ang biktima ang ginkilala nga si Mick Jagger Taasan, 54 anyos kag residente sang Easthomes, Brgy Estefania, ciudad sang Bacolod.
May yara sang naka-witness sa natabo amo nga nakilal-an kun sin-o ang suspek, nga amo ang partner ni Taasan sa negosyo.
Sa interview sang Bombo Radyo Bacolod kay Police Major Marc Joel Reclamado, station commander sang Bacolod Police Station 4, napasa na sa prosecutors office ang tanan nga mga dokumento kag ginahulat na lamang ang final evaluation kun bala may kulang pa.
Suno diri, murder ang kaso nga ginfile batok sa suspetsado kag ginalantaw nga may kaangtanan sa negosyo ang motibo sa pagpatay.
