Hugot nga ginpanginwala ni former Presidential Spokesperson Atty. Harry Roque ang nagalapta nga balita nga siya ang gin-aresto sa Schiphol Airport sa Amsterdam, Netherlands.
Sa isa ka statement, ginpahayag ni Roque nga wala sang kamatuoran ang nasambit nga report.
Suno diri, nakabakal pa ini sang ticket kag may natalana nga byahe padulong sa Austria.
Suno sa iya, wala sang kamatuoran ang mga huring-huring nga siya ang naaresto kag may natalana pa ini nga flight padulong sa Vienna, Austria kahapon.
Nag-ibwal ang balita matapos nagwa ang mga reports nga ginaalegar naaresto si Roque sa nasambit nga airport.
Bangud diri, mangin si Senate President Tito Sotto ang nagpangayo sang pagpaathag nagikan sa Department of Foreign Affairs (DFA) natuhoy sa nasambit nga balita.
Suno sa DFA, wala sila sang may nabaton nga kumpirmasyon nagikan sa ila mga opisyal kag embahada sa Europa may kaangtanan sa ginaalegar pag-aresto kay Roque.
